【今日阿美語】Tosa polo ca’or to mihecaan a olah (20億年的愛)2014.05.09

【今日阿美語】Tosa polo ca’or to mihecaan a olah (20億年的愛)2014.05.09

Namalaliyas ko wama ato wina, maketeketer koya fafahiyan a wawa.

自從父母離異之後，女兒變得越來越叛逆。

Wina. “masalafii to, nosa caay san a taloma’ kina wawa.

媽媽：「那麼晚了，這個孩子怎麼還不回來呢！

Panapana to a dadaya, masalafii to caayho taloma’ koya fafahiyan a wawa, salihanaw san ko wina a mihirateng, matongatongal ko kofel no laway no wina. Caay kapatiko ko faloco’ nina wawa.

數不清的夜晚，已經深夜了，女兒還沒有回到家，讓媽媽擔心不已，媽媽臉上的鄒紋不斷增加，女兒沒有回頭的樣子。

Wina. “ way~. Maan saw. O tayring kiso.”

媽媽：「喂～，什麼，你說警察局。

Nano mipatingwa ko tayring toya a romi’ad a malingato, maodangodang koya wawa a caay kapitengil to sowal no wina. Misawidang to tatiihay a widang, marawraw cangra　I lalan, saka repet no tayring.

自從警察打電話來，那一天開始，女兒更加叛逆，不再聽媽媽的話，她結交了壞朋友，她們在路上喧閙，因此，被警察抓去派所。

Wawa. “O ‘orip no mako konian, mimaan a mapoyi’ kiso i takownan”

女兒：「這是我的人生，你管不著。」

Awaay ko caciyaw no wina to kalitemah to kaongang nina wawa ningra, maosi ko wawa nigra a mitengil to misamalaymay no wina, tatiihti:ih ko sowal ato demak nina wawa.

媽媽沒有話說面對女兒的荒唐行為，簡直說不出話來，女兒不喜歡聽媽媽的嘮叨，甚至於要求媽媽乾脆放棄她，讓她過自己想過的生活，女兒的言行也越來越偏激。

Wawa. “ O maan ko loma’ hananay, caay ka henek ko hirateng no mako.”

女兒：「家庭？那是件什麼東西，我根本不稀罕。」

Wina. “ kaliting, fohaten ko kina fawahan no kafotian iso.”

媽媽：「卡力亭，拜託你開門哪。」

Tangasa i safaw falo a mihecaan to kasofocan a romi’ad, maratar a masadak kina fafahiyan a wawa. O lafii to koka taloma’ ningra, saka mahapinang ko demak ningra na paherek i picudadan maongangay I papotal. Ira ko sapaini no wina i kasofocan nina wawa, mitilid aca ko wina to cecay a tikami. Oya tilid nina tikami i, nano emang no miso, matiya o coyoh a makapahay ato damesayay kiso. Ano manga’ay a patatiko ko romi’ad,

十八歲生日的那一天，女兒一大早出門之後，直到夜深了都沒有回家，很明顯的放學後，流連於舞廳等聲色場所裡。媽媽有一份生日禮物，要送給女兒，還寫了一封信，信上寫著，妳從小時候，你就像天使一樣美麗又善良，如果可以再回到過去的時光，該多好。

Itiya a romi’ad, masalafii kina fafahiyan a wawa taloma’, ma’araw ningra ko pipaini no wina to kasohocan ningra.

那一天深夜，女兒才回到家，她發現了媽媽給她的生日禮物。

Wawa. “Ya～ O maan konian saw?”

女兒：「疑！這是什麼啊？＂

Hirateng san cingra, misamalaymay saca kiya sowal no wina saan cingra, fohat han ningra koya tikami a minengneng, talaosa’ to kina wawa.

她認為，這一封信一定又是她在嘮叨，她打開看了母親寫的那一封信，女兒看著信掉下眼淚。

(O tilid no wina i tikami). 20polo’ ca’or ko mihecaan nina fakeloh, ano sawaden no mako kiso. Latek mataelif ko mihecaan nina fakeloh a matiya.

媽媽在信中寫：這一塊石頭的年齡有二十億年，如果我要放棄你，可能要超過這塊石頭，才有可能。

Maca’mat to koya wawa to oloah no wina itiya, o cacaay aca ko sasawaden no wina.

這時候，女兒終於領悟到媽媽的愛，媽媽絶對不能放棄她的。

Wawa. “Malaya’ay ko tosa polo’ ca’or a mihecaan, saka, ina aka sawaden kako.”

20億年太長了，所以，媽媽，請不要放棄我。

Nano itiya a dadaya malingato, caay to kaongang cingra, patikoto ko faloco’ nina fafahiyan a wawa i wina.

自從那一個晚上開始，她不在荒唐了，女兒也回到媽媽的身邊了。